Dhoobley(Idaacadda Sanguuni)-Halyeeyga Arsenal Ian Wright ayaa u doortay Omar Marmoush iyo Ademola Lookman saxiixyadiisa riyada ee suuqa kala iibsiga bisha January isagoo sheegay in labada ciyaaryahan ay ku fiican yihiin kooxdiisii hore.
Gunners ayaa fadhisa kaalinta saddexaad ee kala sarreynta horyaalka Premier League kaddib 17 kulan oo ay ciyaartay, waxayna lix dhibcood ka hoosaysaa kooxda hoggaanka haysa ee Liverpool.
Kadib natiijooyinkii xumaa ee bilihii October iyo November Arsenal ayaa dib u heshay qaab ciyaareedkooda fiican iyaga oo badiyay kulamadii ugu dambeeyay.
Inkasta oo ay kalsoonidu u soo laabatay kooxda Hadana Taageerayaasha ayaa dalbanaya in kooxda la xoojiyo suuqa January.
Si kasta ha ahaatee kooxda ayaa la filayaa in ayna samayn saxiixyo waaweyn inta uu furan yahay suuqa January.
Iyada oo la waydiiyay cida uu la soo saxiixan lahaa January si uu dhinaca kale ugu rogo xilli ciyaareedka Arsenal ayuu magacaabay 2 xiddig oo uu la soo saxiixan lahaa.
“Waxa aan la soo saxiixan lahaa Omar Marmoush iyo Ademola Lookman”ayuu yidhi.
“Hadii aad eegto labadaas xiddig waxa ay u muuqdaan xiddigaha ay Arsenal u baahantahay waa laba xiddig oo ku soo baxaya Arsenal”.
