Qeybta hore ee ciyaarta ayaa lagu kala nastay barbardhac 0-0 ah oo ay ku kala mareen labada kooxood Arsenal iyo Newcastle United.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 50-aad kooxda Arsenal ayaa hoggaanka u qabatay dheeha waxaana 1-0 ka dhigay Pierre-Emerick Aubameyang, kaddib markii uu goolkan ka caawiyay Thomas.
61 daqiiqo Arsenal ayaa dhalisay gool labaad kaddib markii uu ciyaarta 2-0 kadhigay Bukayo Saka oo caawinta goolkan ka helay Emile Smith-Rowe.
77 daqiiqo marka ay ciyaarta mareysay kooxda Arsenal ayaa sii dheereysatay hoggaaminta ciyaarta Pierre-Emerick Aubameyang ayaana ka dhigay 3-0, waxaana goolkan ka caawiyay Cedric Soares
Ugu dambeyntii ciyaarta ayaa ku soo idlaatay 3-0 oo ay Arsenal guul kaga gaartay kooxda Newcastle United oo marti ugu aheyd garoonka Emirates, Gunners ayaa haatan kaga jirta booska 10-aad miiska kala sareynta ee horyaalka Premier League.
SAWIRRO:
