Dhoobley(Idaacadda Sanguuni)-Tababaraha kooxda Arsenal Mikel Arteta ayaa digniin adag u diray kooxda ay xafiiltamaan ee Liverpool ka hor kulankooda Axada ee horyaalka premier League.
Garoonka Emirates Stadium waxa uu marti galin doonaa kulanka labada kooxood ee wareega 9-aad ee horyaalka premier League xilli ciyaareedka 2024/25.
Liverpool ayaa hadda hogaanka horyaalka Ingiriiska ku haysa 21 dhibcood,halka Arsenal ay leedahay 17 dhibcood oo kaalinta saddexaad ku jirta.
Shalay fiidki kooxda Arsenal ayaa guul dirqi ah ka gaartay kooxda Shakhtar kulan ka tirsan wareega 3-aad ee tartanka champions League.
“Waxa aan ciyaarnay laba qaybood oo kala duwan, ciyaarta waanu maamulaynay qaybta hore waxana aan samaynay fursado waaweyn”.
Waxa uu intaa ku daray: “Waxay ahayd in aanu ciyaarta ku go’aaminno inta ay le’eg tahay awooda iyo boosaska aanu haysanay, waxa naga maqnayd xamaasad la’aan iyo kubad la’aanba si aan u soo kabsano wakhtiyada iyo goobaha saxda ah, waxa aanu waynay kubado noo saamaxay in wax laga badalo rigoore uu qasaariyay (Trossard).”
Wuxuu kusoo gaba gabeeyay: “Laakiin hada waxaan heysanaa afar maalmood, i rumayso waxa aan ku soo noqon doonaa qaab ciyaareedkeenii fiicnaa kulanka Liverpool”.
