Dhoobley(Idaacadda Sanguuni)-Ciidamada militeriga ee Israa’iil ayaa galay xafiiska warbaahinta Al-Jazeera ee ku yaalla magaalada Ramallah ee Daanta Galbeed ee la haysto ee dalka Falastiin.
Waxay amreen, in si buuxda xaruntaasi loo xiro muddo 45 maalmood gudahood, iyagoo arrinkan ku sheegay amar milateri.
Askar hubeysan oo wajigu u xiran ayaa galay dhismaha xaruntaasi aroornimadii hore ee maanta, xilli taleefishinka uu toos hawada ugu jiray.
Dadka taleefishinka daawanayay ayaa arkayay ciidamada oo warqadda amarka xiritaanka gacanta u galinaya madaxa shabakadda Al-Jazeera ee Daanta Galbeed Waliid Al-Cumari, oo isna si toos ah uga akhriyay taleefishinka.
Israa’iil ayaa horay u weerartay xafiisyada Al-Jazeera ee Nasaraat iyo Bariga Quddus ee la haysto ee dalka Falastiin bishii Shanaad ee sanadkan, iyagoo ku qeexay muuq baahiye khatar ku ah amniga qaranka Israa’iil.
