Dhoobley(Idaacadda Sanguuni)-Waxaa la xaqiijiyay dhimashada 9 ruux ka dib markii duufaanta xooggan ee Yagi ay ku dhufatay dalka Vietnam.
Wararka ayaa intaasi ku daraya in duufaantu ay saqafyada ka qaadday dhismooyin badan, in doomo ay dageen ama quuseen sidoo kalena uu jiro dhul go’ ay saaka afar qof oo isku qoys ah ugu dhinteen gobolka buuraleyda ah ee Hoa Binh.
Dabeysha Yagi ayaa sidoo kale waxyeelleysay kaabayaasha waxayna xididdada u saartay geedo.
In kastoo ay hadda baaxadeeda yaraatay waxay saameyn ku yeelatay Waqooyiga Vietnam.
Maamullada saadaasha hawada ayaa duufaanta Yagi ku tilmaamay mid ka mid ah kuwii ugu xooganaa ee la soo tabiyay muddo toban sano ah.
