Dhoobley(Idaacadda Sanguuni)-Liverpool ayaa 1-0 kaga badisay Real Betis kulankii furitaanka ee safarkooda isku diyaarinta xilli ciyaareedka cusub laakiin waxa ka dhaawacmay xiddiga Curtis Jones.
Ciyaaryahanka khadka dhexe ayaa laga saaray ciyaarta 30-daqiiqo ee qeybtii hore ee ciyaarta,laakin Arne Slot ayaa xaqiijiyay badalkii lagu sameeyay uu ahaa mid taxadar ah isla markaas aan wali la ogayn dhaawaca soo gaadhay iyo halistiisa.
“Waxay ila tahay inay goor hore tahay in la sheego [sida ay u xun tahay. Waxa laga yaabaa inuu ku ciyaari karay, laakiin waxaan filayaa in laga yaabo inaad arki karto inuusan 100% taam ahayn”.
“Kulan saaxiibtinimo, maalmo badan oo soo socda safarkeena, waxa noo fiicnayd in aanu badalno, wuu soo kabsan karaa waa in aan sugno oo aan eegno”.
“Waxaan rajeyneynaa inuu si dhakhso ah u soo kabsado si aan u aragno isaga kulamada soo socda. Had iyo jeer waa wax laga xumaado haddii uu baxo 25 daqiiqo ka dib, nus saac. Taas ka horna waxaad arki kartaa inuusan gabi ahaanba xor ahayn”.
