Dhoobley(Idaacadda Sanguuni)-Adrien Rabiot waxa uu noqday ciyaaryahan Xor ah ka dib markii uu ka tagay Juventus dhamaadkii xilli ciyaareedkii hore, waxaana uu ku riyoonayaa inuu u dhaqaaqo Manchester United.
Rabiot ayaa ku riyaaqay guulo shan sano ah oo gudaha Turin ah, isagoo kula guuleystay Serie A 2020 wuxuuna u saftay 212 kulan, isagoo dhaliyay 22 gool.
Inkastoo kooxda Marwada duqda ah ay isku dayday inay heshiis cusub ka saxiixato xiddiga reer France, ciyaaryahanka khadka dhexe ayaa diiday soo jeedin cusub, waxaana uu doonayaa inuu meel kale u wareego xagaagan.
United ayaa xiiso u muujisay xilli hore, waxaana lagu soo waramayaa inay u soo bandhigtay 29 jirkaan heshiis seddex sanno ah horaantii bishaan.
Waxaa la fahamsan yahay in Man United ay dooneyso inay ku xoojiso khadkeeda dhexe,
Rabiot hubaal ma diidi doono fursad uu ugu biiro United haddii ay u dhaqaaqan.
Isagoo ka soo baxay akadeemiyada Paris Saint-Germain, Rabiot ayaa in ka badan 227 kulan u saftay kooxda reer France, isagoo ku guuleystay shan horyaal.
United ayaa la fahamsan yahay inay suuqa ugu jirto ciyaaryahan dhexe oo cusub xagaagan, iyadoo Casemiro la filayo inuu ka tago Old Trafford xagaagan.
Halka xiddiga Manuel Ugarte uu yahay mawduuca la isla dhexmarayo ee ku saabsan inuu u wareegayo Man United.
