Dhoobley(Idaacadda Sanguuni)-Madaxweynaha Ukraine ayaa sheegay in 31,000 oo askari la dilay tan iyo markii uu Ruushka bilaabay duulaanka ballaaran.
Volodymyr Zelensky ayaa sheegay in uusan sheegi doonin tirada dhaawaca maadaama ay taasi caawineyso qorsheynta militariga Ruushka.
Sida caadiga ah, saraakiisha Yukreeniyaanku ma soo bandhigaan tirada dadka adeegayaasha ah ee lagu dilay dagaalka.
Arrintan ayaa timid kadib markii wasiirka gaashaandhigga uu sheegay in kala bar dhammaan gargaarka reer galbeedka ee Ukraine uu dib u dhacay, taasoo galaafatay nolosha iyo dhulka.
Madaxweynaha Ukraine ayaa soo saaray qaylo dhaan ballaaran, isagoo wacad ku maray in dalkiisu uu guulaysan doono, maadaama ay ku beegan tahay laba sano oo uu Ruushku si buuxda u galay.
“Mid naga mid ah ma ogolaan doono in Ukraine ay dhamaato,” Volodymyr Zelensky ayaa ku yiri khudbad uu ka jeediyay caasimadda Kyiv.
Waxaa ku soo biiray madax reer galbeed ah oo u muujinayey is garab istaag.
Sanadguurada ayaa ku soo beegantay iyadoo Ukraine ay kala kulantay dib u dhacyo kala duwan oo ay ku dooneyso inay Ruushka uga saarto dhulkeeda.
