Dhoobley(Idaacadda Sanguuni)-Kooxda kubadda cagta Manchester United ayaa ugu dambayn la iibsaday, waxaana waqti dambe oo xalay ah ansixiyey qoyska muddada ku dheggenaa mulkiyadda kooxda ee Glazer family oo ogolaaday inay £6 bilyan oo Gini ku iibiyaan.
Waxa soo afjarmaysa muddo 18 sannadood ah oo ay mulkiileyaasa Manchester United ahaayeen qoyska Maraykanka ah ee Glazer family oo sannadkii 2005 iibsaday.
Manchester United ayaa waxa iibkeeda si adag ugu loollamay bilyaneerka reer UK ee Sir Jim Ratcliffe iyo sheekha reer Qatar ee Sheikh Jassim oo ugu dambayntii noqday mulkiilaha cusub ee Manchester United la wareegaya, waxaana rumoobaysa riyadii taageereyaasha iyo tababaraha Red Devils ee Erik ten Hag ee ahayd in kooxda uu gacanta ku dhigo Sheikh Jassim si uu maalgelin weyn ugu sameeyo.
