Dhoobley(Idaacadda Sanguuni)-Real Madrid ayaa daafaca bidix ee Bayern Munich ee Alphonso Davies u bartilmaameedsatay daafaca bidix ee ay inta ugu badan doonayso, xiddiga ree Canada ayaa liiska doonista Madrid haatan mudo sanado ah ku jiray.
Davies heshiiska uu ku joogo gegida Allianz Arena ayaa ah mid dhacaya xagaaga 2025, kooxda ayaa doonaysa inay qandaraas cusub oo mudo dheer ah ka saxeexato.
Si kastaba, wadahadalka heshiis kordhintiisa ayaa istaagay muddooyinkan ugu dambeeyay iyadoo mid kamida sababuhu tahay caydhinta agaasimihii ciyaaraha kooxda ee Hasan Salihamidzic.
Sida uu sheegayo wargeyska Diario AS, xiisaha Real Madrid ee Davies ayaa sidoo kale qayb ka qaatay hakadka galay wadahadalka u dhaxeeya daafacaas iyo kooxdiisa, 22 sano jirkaas ayay ka gadantay aragtida ah inuu u wareego mustaqbalka caasimada Spain.
Bayern ayaa doonaysa inay heshiiska cusub ee Davies xaliso kahor bilawga xilli ciyaareedka cusub walow ay u muuqato mid caqabad ah haatan.
In xagaaga dambe ee 2024 kaliya hal sano ka hadhi doono heshiiskiisa Bavaria ayaa boos wanaagsan joojin doonta Real Madrid.
