HORDHAC: Nottingham v Arsenal – Guuldarro Arsenal Soo Gaadhay Oo Horyaalka U Xaqiijinaysa Man City & Xogaha Kulankan

By
admin
-
0
71

Dhoobley(Idaacadda Sanguuni)-Arsenal oo ujeedadeedu tahay inay wadada guulaha kusoo laabato ayaa maanta marti u noqonaysa Nottingham Forest oo ay kula ballansan tahay garoonka City Ground.

Forest ayaa kulamadii ugu dambeeyay natiijooyin wanaagsan oo ay kaalmaha lagu dhaadhaco iskaga ilaalisay soo helaysay, natiijo kale oo ay maanta ka helaan Gunners ayaa hanashada horyaalka u xaqiijin doonta Man City kahor inta aysan berri Chelsea la ciyaarin.

Wararka Labada Kooxood

Steve Cooper ayaa la filayaa inuusan bedelin shaxdii 3-5-2 ahayd ee uu natiijada kaga soo helay Chelsea, da’yarka Brenan Johnson oo kulankaas keyd ahaa ayaa kusoo bilaaban kara markan.

Mikel Arteta ayaa xaqiijiyay in Oleksandr Zinchenko iyo William Saliba dhaawac ku maqnaan doonaan inta xilli ciyaareedka ka dhiman si lamid ah Gabriel Martinelli oo dhaawac ku haleelay kulankii u dambeeyay ee Brighton.
Trossard ayaa booskii Martinelli kusoo bilaaban doona isagoo weerarka ku wehelinaya Bukayo Saka iyo Gabriel Jesus.

Jorginho ayaa markale khadka dhexe kaga soo hormari kara Partey isagoo kula soo bilaabanaya shaxda asaasiga ah Granit Xhaka iyo Odegaard.

Kiwior ayaa isaguna daafaca dhexe markale kula midoobi kara Gabriel Magalhaes halka Tierney iyo White garbaha daafaca dheelayaan.

Shaxaha Macquulka Ah

Nottingham (3-4-2-1): Navas; Worrall, Filipe, Niakhate; Aurier, Mangala, Yates, Lodi; Gibbs-White, Danilo; Awoniyi

Arsenal  (4-3-3): Ramsdale; Ben White, Kiwior, Gabriel, Tierney; Odegaard, Jorginho, Xhaka; Saka, Jesus, Trossard

Xogta Kulanka

Tartanka; Premier League

Garoonka: City Ground

Wakhtiga: 7:30 habeenimo xilliga geeska Africa

Garsoore: Anthony Taylor

RELATED ARTICLESMORE FROM AUTHOR