Dhoobley(Idaacadda Sanguuni)-Kooxda kubadda cagta Barcelona ayaa ku guuleysan doonta horyaalka waddanka Spain ee LaLiga habeen dambe haddii ay ka adkaadaan Osasuna oo ay ku qaabbili doonaan Sportify Camp Nou, laakiin waxay garab uga baahan doonaan Real Sociedad oo iyaduna qaabbilaysa Real Madrid isla habeen dambe.
Tababare Xavi Hernandez ayaa soo saaray liiska xiddigaha kooxdiisa oo uu kusoo daray wiilka dhabiga ah ee Lamine Yamal oo uu beddel kusoo galay Sabtidii ciyaartii Real Betis, isla markaana noqday ciyaartoygii ugu da’da yaraa ee abid u safta Barcelona, iyadoo ay da’diisuna tahay 15 jir.
Barcelona ayay usoo laabteen dhamaan ciyaartoydeedu marka laga reebo Sergi Roberto oo kaliya, waxaana uu Xavi soo xushay dhamaan xiddigiisa oo uu kusoo daray liiska kulanka Osasuna, waxaana uu ku qurxiyey Lamine Yamal oo uu u carbinayo mustaqbalka.
Ousmane Dembele ayaa Sabtidii beddel kusoo galay ciyaartii Betis, waxaana uu kasoo laabtay dhaawac soo gaadhay dhamaadka bishii January, halka Frenkie de Jong iyo Pedri oo iyaguna usbuucyo maqnaa ay saddexdii ciyaarood ee ugu dambeeyey dheeleen.
Difaacyahanno: Araujo, Christensen, Marcos Alonso, Jordi Alba, Kounde, Eric Garcia iyo Balde.
Khadka Dhexe: Busquets, Pedri, Kessie, De Jong, Gavi iyoPablo Torre.
Weerarka: Dembele, Lewandowski, Ansu Fati, Ferran Torres, Raphinha iyo Lamine Yamal.
