Dhoobley(Idaacadda Sanguuni)-Kooxda hoggaanka Premier League haysa ee Arsenal ayaa maanta Emirates Stadium kusoo dhawayn doonta dhigeeda Leeds United.
Wararka Labada Kooxood
Arsenal waxa inta xilli ciyaareedka ka dhiman ka maqnaan doona Takehiro Tomiyasu halka werwer laga qabay taam ahaanshaha Thomas Partey, sidoo kale Trossard iyo Tierney ayay wax gaadheen intii fasaxa qaramada lagu maqnaa, dhammaantood ayaa la filayaa inay diyaar u yihiin kulankan.
Sidoo kale Gabriel Jesus ayaa markii ugu horreysay mudo dheer kaddib kulan Premier League ah kusoo bilaaban kara.
Leeds ayaa la odhan karaa dhibaato badan ayay kasoo martay fasaxii qaramada, Tyler Adams ayaa qaliin maray oo la filayaa inuu toddobaadyo maqnaado.
Sidoo kale waxa shaki weyni ku jiraa taam ahaanshaha xiddigaha muhiimka u ah kooxda martida ah ee Maximilian Wober iyo Wilfried Gnonto.
Arsenal (4-3-3): Ramsdale; Ben White, Holding, Gabriel, Zinchenko; Odegaard, Jorginho, Xhaka; Saka, Jesus, Martinelli
Leeds (4-2-3-1): Meslier; Ayling, Koch, Cooper, Firpo; Roca, McKennie; Summerville, Aaronson, Harrison; Bamford
Xogta Kulanka
Tartanka: Premier League
Garoonka: Emirates Stadium
Garsoore: Darren England
Wakhtiga: 5:00 galabnimo xilliga geeska Africa
