Dhoobley(Idaacadda Sanguuni)-Kaddib ku guuleysigiisii Koobka aduunka, weeraryahanka Paris Saint-Germain ee Lionel Messi ayaa go’aankii la sugayay ka gaadhay mustaqbalkiisa kooxdaas.
Dhawaan ayay ahayd markii ay soo baxeen warar sheegaya in labada kooxood ee ree Sacuudi ee Al Hilal iyo Al Ittihad ay lacago waali ah mushahar ahaan miiska ugu soo saareen Leo.
Warbaahinta ayaa sheegaysa in kooxahaasi sanadkii 306 Milyan oo pound mushahar u siinayaan Messi iyadoo sababta ugu weyni tahay inay kula xifaaltamaan Al Nassr oo Cristiano Ronaldo la saxeexatay.
Warkaas ayaa dhirbaaxo ku ah dhammaan kooxaha uu damacu kaga jiray saxeexa Leo. Messi ayaa baaqi kusii ahaan doona Parc des Princes si uu Paris uga caawiyo hammigeeda ku guuleysiga Champions League.
