Dhoobleey(Idaacadda Sanguuni)-Liverpool ayaa caawa u safraysa gegida Amex Stadium oo ay ku booqanayso dhigeeda Brighton, kooxda tababare Jurgen Klopp horkacayo ayaa doonaysa kasoo kabashada guuldarradii kulankii Brentford.
Wararka Labada Kooxood Ee Kulanka Kahor
Brighton ayuu dhaawac kaga maqnaan doonaa Jakub Moder halka Leandro Trossard oo saddexley ka dhaliyay Liverpool kulankii hore ee Anfield ay kooxdu anshax-marin ku samaynayso oo la filayo inuu seego kulankan.
Matip iyo Ibrahima Konate ayaa daafaca dhexe ku midoobaya bedelka Virgil halka Henderson, Fabinho iyo Thiago khadka dhexe kusoo wada bilaaban karaan.
Cody Gakpo ayaa weerarka dhexe ka ciyaari kara bedelka Nunez halka Chamberlain iyo Mohamed Salah ay garbaha ka caawinayaan.
Brighton (4-2-3-1): Sanchez; Veltman, Dunk, Colwill, Estupinan; Caicedo, Gross; March, Mac Allister, Mitoma; Ferguson
Liverpool (4-3-3): Alisson; Alexander-Arnold, Matip, Konate, Robertson; Henderson, Fabinho, Thiago; Salah, Gakpo, Oxlade Chamberlain
Xogta Kulanka
Tartanka: Premier League
Garoonka: Amex Stadium
Wakhtiga: 6:00 fiidnimo xilliga geeska Africa
Garsoore: Darren England
