Dhoobley(Idaacadda Sanguuni)-Tababaraha Kooxda Wolves ee Julen Lopetegui ayaa meesha ka saaray in ay kooxdiisu iibin doonto xiddiga Liverpool lala xidhiidhinayo ee Matheus Nunes.
Reds ayaa doonaysa in ay xoojiso khadka dhexe kadib markii ay si weyn ugu dhibaatoodeen booskaas tan ilaa bilowgii xilli ciyaareedkan.
Wargayska The Telegraph ayaa sheegay in ay Liverpool dalab Rasmi ah oo 44 milyan oo euro ah ka gudbisay saxiixa xiddiga khadka dhexe.
Si kasta ha ahaatee tababaraha kooxda Lopetegui ayaa meesha ka saaray in uu xiddiga 24 jirka ah ka tagi doono kooxda suuqa January.
“Waxa aan odhan karaa, Matheus waa ciyaartoygeena, waa Xiddig Wolves ah wuuna ku faraxsanahay in uu halkan joogo”.
Liverpool ayaa doonaysa in ay xiddiga Matheus Nunes ku xoojiso khadka dhexe qaybta dambe ee xilli ciyaareedka xilli ay u tartamayaan u soo bixista champions league.
