Dhoobley(Idaacadda Sanguuni)-Xiddiga xulka qaranka Netherland iyo kooxda PSV Eindhoven ee Cody Gakpo, ayaa daaha ka qaaday xaqiiqada dhabta ah ee uu ku aadan inuu ku biirayo naadiga Manchester United.
Cody Gakpo ayaa bandhig fiican ka sameynaya xulkiisa qaranka Netherland, koobka aduunka 2022, kaas oo haatan lagu qabanayo dalka Qatar.
Magaca 23 jirkan ayaa lala xiriirinayay inuu u ciyaarayo Manchester United tan iyo xagaagii hore, kaddib codsi cad oo ka yimid tababare Erik ten Hag.
Gakpo ayaa kaddib wacdarihiisii cajiibka ahaa ee Koobka Adduunka, wuxuu diirada u saaran yahay kooxaha ugu sareeya Yurub oo ay ku jirto Manchester United.
Fabrizio Roman ayaa bartiisa Twitter-ka soo dhigay wareysi uu bixiyay Cody Gakpo, waxaana hadaladiisa ka mid ahaa:
“Weli maan maqlin wax ku saabsan wadahadalada Manchester United. Hadday yimaaddaan, waan ka fekerayaa.”
“Waxaan ka fikiray Manchester United xagaagii hore, laakiin uma aanan dhaqaaqin iyaga, kaddib Leeds United ayaa timid, shaki ayaana iga galay. Hadda waan arki doonaa waxa dhaca.”
