Dhoobley(Idaacadda Sanguuni)-Xulka Morocco ayaa iska xaadiriyay wareega siddeed dhammaadka koobka adduunka kaddib markii ay rigoorayaal 3-0 ku garaaceen dhigooda Spain, ciyaar leysku daalay ay ku wada ciyaareen garoonka Education City Stadium.
Qeybta hore ee ciyaarta ayeey labada xul qaran Morocco iyo Spain ku kala nasteen barbardhac goolal la’aan ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Balse 90-ka daqiiqo ee ciyaarta ayaa waxay sidoo kale ku soo dhammaatay barbardhac goolal la’aan ah, waxaana loo baahday 30 daqiiqo dheeri ah, si loo go’aamiyo xulka u gudbaya wareega xiga ee siddeeda.
Ugu dambyntii ciyaarta ayaa ku dhammaatay barbaro 3-0 ah, waxaana rigoorooyin ku adkaaday xulka qaranka Morocco, taasoo ka caawisay inay u gudbaan wareega xiga ee siddeeda.
