Dhoobleey(Idaacadda Sanguuni)-Man City ayaa si raaxo leh saddex dhibcood kaga qaadatay Nottingham Forest oo marti u ahayd, kaddib markii ay kaga adkaatay 6-0, ciyaar qeyb ka ahayd kulammada toddobaadkan ee horyaalka Premier League.
Qeybta hore ee ciyaarta ayaa lagu kala nastay 4-0 ay ku hoggaamineysay kooxda Manchester City.
23 daqiiqo marka ay dheesha mareysay Haaland ayaa markale gaaray shabaqa kooxda Nottingham Forest, wuxuuna ciyaarta ka dhigay 2-0 ay ku hoggaamineysay Man City.
Daqiiqadii 38-aad Manchester City ayaa hoggaanka ciyaarta sii dheereysatay kaddib markii uu 3-0 ka dhigay weeraryahankooda Haaland, kaddib markii uu caawin ka helay J. Stones.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Julián Álvarez ayaa 65 daqiiqo ayaa wuxuu dheesha gaarsiiyay 5-0 ay ku hoggaamineysay kooxda martida loo ahaa ee Manchester City.
Daqiiqadii 85-aad Julián Álvarez ayaa soo xiray bandhiga goolasha ee kooxda Manchester City ee kulankan, wuxuuna dheesha ka dhigay 6-0.
Ugu dambeyntii ciyaarta ayaa ku dhammaatay 6-0 ay kaga adkaatay Manchester City, kooxda Nottingham Forest oo ku soo booqatay garoonka Etihad.
