Dhoobley(Idaacadda Sanguuni)-Ra’iisal wasaaraha dalka Finland, Sanna Marin ayaa sheegtay inay iska baartay daroogo, kaddib markii laga faafiyay muuqaal la soo dusiyay oo mujinaya iyadoo qoob ka ciyaar sameynaysa.
Marine, oo sodon iyo lix sano jir ah ayaa dhaleeceyn kala kulantay muuqaalkaasi, iyadoo siyaasiinta qaar ay soo jeediyeen inay iska baarto daroogo.
Shir jaraa’id oo ay qabatay ayaa Marine waxaa ay ku sheegtay, inay daroogo iska baartay, isla markaana natiijadu soo bixi doonto todobaadka dambe.
Ha yeeshee, haweeneydaasi ra’iisal wasaaraha ka ah dalka Finland, waxaa ay ku adkeesysatay inaanay weligii daroogo isticmaalin.
Waxaa ay wariyaasha u sheegtay in aysan weligeed ku dhaqaaqin arrin “sharci darro ah”.
