Dhoobley(Idaacadda Sanguuni). Tababaraha Jarmalka ee Thomas Tuchel ayaa ku dhawaaqay maqnaanshaha labada xiddig ee khadka dhexe N’Golo Kanté iyo Mateo Kovačić kulanka ay la aciyaarayaan Leeds United.
Chelsea ayaa ku booqan doonta Axada kooxda Leeds United garoonkeeda Ellan Road, si ay u wada ciyaaraan kulan qeyb ka ah kulammada Isbuuca saddexaad horyaalka Premier League ee xilli ciyaareedka cusub 2022/23.
Haddaba wargeyska Daily Mail ee dalka England ayaa wuxuu shaaca ka qaaday wareysi uu bixiyay macalinka kooxda Chelsea ee Thomas Tuchel, wuxuuna yiri:
“N’Golo Kanté waxa uu Chelsea ka maqnaan doonaa dhawr toddobaad.”
“Waan niyad jabnay waanan murugaysanahay, sababtoo ah Kante waxa uu ahaa mid muhiim ah aad ayuuna taam u ahaa, sidoo kale Mateo Kovačić ayaa wali dhibaato jilibka ah qaba.”
“Christian Pulisic waxa uu ka cabanayaa dhaawac, laakiin waxa uu maanta qaatay tababar.” Ayuu yiri Thomas Tuchel.
