Dhoobley(Idaacadda Sanguuni)-Madaxweynaha Turkiga, Recep Tayyip Erdogan, ayaa sheegay in aqbalitaankii Finland iyo Sweden ee NATO aan weli si toos ah loo dammaanad qaadin.
Erdogan waxaa sheegay in taasi ay ku xiran tahay sida ay labadan dal u fuliyaan ballankii ay la galeen xukuumadda Ankara.
Isagoo ka hadlayay magaalada Madrid, gabagabadii shir madaxeedka Gaashaanbuurta NATO, ayuu Erdogan sheegay in baarlamaanka Turkiga uusan ansixin doonin codsiyada wadamada Waqooyiga Yurub ilaa ay marka hore muujiyaan midnimada Ankara iyagoo weliba ficil ahaan u sameynaya oo aanan hadal keliya Meesha looga baahnayn.
NATO ayaa si rasmi ah Sweden iyo Finland ugu casuuntay inay ku soo biiraan isbahaysiga – iyagoo soo afjaraya dhexdhexaadnimadooda.
