Dhoobley(Idaacadda Sanguuni)-Kooxda Kubadda Cagta Chelsea ayaa maanta oo Isniin ah ku dhawaaqday in Bruce Buck uu ka tagay xilka Guddoomiyaha Golaha Sare.
The Blues ayaa bayaan rasmi ah ay soo saartay waxay ku sheegtay:
“Maanta waxaan ku dhawaaqeynaa in Bruce Buck, oo soo ahaa gudoomiyaha guddiga tan iyo 2003, uu ka tagi doono 30-ka June, wuxuuna sii wadi doonaa caawinta kooxda isagoo la taliye ah.”
“Intii uu Bruce Buck ahaa Guddoomiyaha, Chelsea waxa ay xoojisay booskeeda mid ka mid ah kooxaha ugu awooda badan adduunka, iyada oo leh astaan la aqoonsan yahay oo ay ku xiran yihiin malaayiin.”
“Muddadaas, kooxda ragga waxay ku guuleysteen 18 koob oo waaweyn, waana in ka badan kooxaha kale ee Ingiriiska, halka kooxda haweenka ay ku guuleysteen 12 koob oo waaweyn.”
“Kooxda waxay sidoo kale si weyn u horumarisay dakhligeeda ganacsi, waxay dhistay xarumo tababar oo heer caalami ah oo ku yaala Cobham, waxayna horumarisay mid ka mid ah akadeemiyada ugu fiican ee dhalinyarada kubadda cagta.”
2010, Bruce Buck oo ah Guddoomiyaha, wuxuu gacan ka geystay abuurista Chelsea FC Foundation, taas oo taageerta waxqabadyo kala duwan, oo ay ku jiraan siinta fursadaha ciyaartoyda da’ada yar, martigelinta barnaamijyada waxbarashada iyo shaqada, iyo hoggaaminta ololaha ka hortagga cunsuriyadda.
