Dhoobley(Idaacadda Sanguuni)-Suxufiga arrimaha suuqa aadka wax uga qora ee Fabrizio Romano, ayaa xaqiijiyay in xiddiga reer Senegal iyo kooxda Liverpool ee , Sadio Mane uu aad ugu dhow yahay ku biirista Bayern Munich, inta lagu guda jiro suuqa kala iibsiga xagaaga.
xiddiga reer Senegal ee Sadio Mane, ayaa kahor iyo kaddib finalkii Champions League wuxuu si maldahan u sheegayay ka tagistiisa Reds dhamaadka xiliciyaareed kaan.
Kooxda reer Germany ee Bayern Munich ayaa ah musharaxii ugu horeeyay uguna cad cad ee saxiixa Sadio Mane, iyada oo u muuqato inay gacanta ku dhigi karto saxiixa xiddiga reer Senegal.
Fabrizio Romano ayaa ku muujiyay boggiisa rasmiga ah ee Twitter-ka in heshiiska Sadio Mane uu ku socday wadada saxda ah tan iyo todobaadkii hore.
Saxafiga caanka ah ayaa intaas ku daray in Bayern Munich ay dalab cusub oo rasmi ah u gudbin doonto maamulka Liverpool si ay u helaan adeega Sadio Mané.
Fabrizio Romano ayaana si cad u sheegay in Liverpool ay diyaar u tahay inay aqbasho dalabkaan ka dib markii ay si rasmi ah heshiis ula gashay Darwin Núñez.
Ku dhawaaqista Sadio Mane ee Bayern Munich ayaa ah mid wakhti yar ah uu ka harsan yahay, maadaama heshiiska shaqsiga ah ay isku afgarteen maamulka iyo ciyaaryahanka waxaana muddada qandaraaskani uu noqon doonaa saddex sano ilaa xagaaga 2025.
