Dhoobleey(Idaacadda Sanguuni)-Barcelona ayaa garoonkeeda Camp Nou saddexda dhibcood kaga qaadatay kooxda Sevilla, kaddib markiii ay kaga adkaatay 1-0, ciyaar qeyb ka ahayd kulammada toddobaadkan ee horyaalka La Liga.
Qeybta hore ee ciyaarta ayeey labada kooxood Barcelona iyo Sevilla ku kala nasteen barbardhac 0-0 ah
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 72-aad kooxda Barcelona ayaa hoggaanka u qabatay dheesha kaddib markii uu 1-0 ka dhigay laacibkooda da’ada yar Pedri, waxaana goolkan ka caawiyay Ousmane Dembélé.
Ugu dambeyntii ciyaarta ayaa ku dhammaatay 1-0 ay kaga adkaatay Barcelona kooxda Sevilla oo ku soo booqatay garoonka Camp Nou, Blaugrana ayaa haatan ku jirta kaalinta labaad ee kala sarreynta horyaalka Spain waxayna leedahay 57 dhibcood, 12 dhibcood ayeey ka hooseeyaan hoggaamiyaasha La Liga ee Real Madrid.
