Dhoobley(Idaacadda Sanguuni). Liverpool ayaa garoonkeeda Anfield guul dirqi ah kaga gaartay kooxda West Ham United, kaddib markii ay kaga adkaatay 1-0, ciyaar qeyb ka ahayd kulammada toddobaadkan ee horyaalka Premier League.
Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Liverpool.
Daqiiqadii 27-aad kooxda Liverpool ayaa hoggaanka u qabatay ciyaarta kaddib markii uu 1-0 ka dhigay Sadio Mané, waxaana caawinta goolkan loo diiwaan galiyay T. Alexander-Arnold.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Ugu dambeyntii ciyaarta ayaa ku dhammaatay 1-0 ay kaga adkaatay Liverpool kooxda West Ham United oo ku soo booqatay garoonka Anfield, Reds oo fadhisa kaalinta 2-aad ee horyaalka Premier League ayaa waxay saddex dhibcood u jirtaa Manchester City, waxayna leedahay 63 dhibcood.
