Inta la xaqiijiyay laba Ruux ayaa ku geeriyootay laba kalena waa ay ku dhaawacmeen kadib shil Gaari oo ka dhacay duleedka Magaalada Qardho ee Xarunta Gobolka Karkaar Puntland.
Shilka ayaa yimid kadib markii uu rogmaday Gaari nooca raaxada ah xilli uu marayay Afaafka hore ee Magaalada Qardho wadada ka timaada dhinaca Magaalada Garoowe.
Dadka ku dhaawacmay shilka gaari oo gaaraya labada Ruux ayaa la geeyay Isbitaalka Magaalada Qardho si loogu daaweeyo kadib markii ay gurmad ka heleen dad ku dhowaa goobta uu shilka ka dhacay.
Taliyaha Ciidanka Ilaalada Waddooyinka Puntland Col. Cabdifitaax Siciid Saleebaan (Afrikaan) ayaa sheegay in weli baaritaan lagu hayo shilkaas oo ka dhacay wadada laamiga ah.
Totobaadyadii la soo dhaafay ayaa degaannada Puntland waxaa kusoo batay shilalka Gawaarida, waxaana tan iyo sanadkaan degaannada Puntland shil gaari ugu geeriyooday ku dhawaad 10 Ruux.
