Dhoobley(Idaacadda Sanguuni)-Kooxaha Burnley iyo Manchester United ayaa dhibcaha ku qeybsaday garoonka Turf Moor. Kaddib markii ay ku kala baxeen barbardhac 1-1 ah, ciyaar qeyb ka ahayd kulammada horyaalka Premier League.
Qeybta hore ee dheesha ayaa lagu kala nastay 0-1 ay ku hoggaaminesay kooxda martida ahayd ee Manchester United.
Daqiiqadii 18-aad Manchester United ayaa hoggaanka u qabatay ciyaarta waxaana 0-1 ka dhigay Paul Pogba kaddib markii caawinta goolka uu ka helay daafaca reer England ee Luke Shaw.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
47 daqiiqo marka ay ciyaarta mareysay kooxda Burnley ayaa dhalisay goolka barbardhaca waxaana 1-1 ka dhigay laacibkooda J. Rodriguez oo caawin ka helay saaxiibkiis W. Weghorst.
Ugu dambeyntii ciyaarta ayaa waxay ku dhammaatay barbardhac 1-1 ah ay ku kala baxeen labada kooxood Burnley iyo Manchester United, ciyaar qeyb ka ahayd horyaalka Premier League, United-ka ayaa u laabatay kaalinta shanaad ee kala sareynta waxayna leedahay 39 dhibcood.
SAWIRRO:
