Dhoobley(Idaacadda Sanguuni)-Wasiirka Wasaaradda Ganacsiga dowlad Goboleedka Puntland Cabdullaahi Cabdi Xirsi ayaa sheegay inay War kasoo saari doonaann qiima kororka la sheegay in uu ku yimid sicirka Gaaska cuntada, kaas oo siweyn looga hadal haayo degaannada Puntland.
Qoraal kooban oo uu Wasiirku la wadaagay dadweynaha ayuu ku sheegay in cabashada la xiriirta qiima kororka Gaaska cuntada ay baaritaan ku sameeyeen, isla markaana ay kasoo saari doonaan Go’aan u wanaagsan Bulshada Puntland
“Maalmahan waxaa socday cabashooyin la xiriira qiimaha gaska cuntada. Waxaanu sameynay baaritaano. Waxaana soo bixi doona war bixino wanaagsan ay soo saarayaan wasaaradaha u xilsaan arinta gaaska” ayuu yiri Wasiirka.
Dhowr jeer oo hore ayaa Wasaaradaha kala duwan ee Puntland waxaa ay beeniyeen in qiima koror uu ku yimid Gaaska Cuntada, oo maalmihii la soo dhaafay lagu baahinayay Baraha Bulshada.
