Dhoobley(Idaacadda Sanguuni)-Wolves ayaa garoonka Old Trafford guul kaga soo gaartay Manchester United oo ay booqatay, kaddib markii ay kaga soo adkaatay 0-1, ciyaar qeyb ka ahayd kulammada toddobaadkan ee horyaalka Premier League.
Qeybta hore ee ciyaarta ayeey labada kooxood Manchester United iyo Wolves ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 82-aad kooxda martida ahayd ee Wolves ayaa hoggaanka u qabatay ciyaarta waxaana 0-1 ka dhigay xiddigooda khadka dhexe ee João Moutinho.
Ugu dambeyntii ciyaarta ayaa ku dhammaatay 0-1 ay kaga soo adkaatay Wolves, kooxda Manchester United oo ay ku booqatay garoonka Old Trafford.
SAWIRRO:
