Dhoobleey(Idaacadda Sanguuni)-Barcelona ayaa guul ka soo heshay kooxda Villarreal oo ay booqatay, kaddib markii ay kaga soo adkaadeen 1-3, kulan qeyb ka ahaa horyaalka La Liga ee dalka Spain.
Qeybta hore ayeey labada kooxood Villarreal iyo Barcelona ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 50-aad kooxda Barcelona ayaa hoggaanka u qabatay ciyaarta waxaana 0-1 ka dhigay xiddiga khadka dhexe ee reer Holland Frenkie de Jong.
77 daqiiqo marka ay dheesha mareysay kooxda martida loo ahaa ee Villarreal ayaa dhalisay goolka barbardhaca waxaana 1-1 ka dhigay ciyaarta laacibkooda Samuel Chukwueze.
Daqiiqadii 88-aad kooxda Barcelona ayaa markale hoggaanka u qabatay ciyaarta waxaana 1-2 ka dhigay dheesha Memphis Depay.
90 + 4 Barcelona ayaa loo dhigay rigoore waxaana gool u badelay xiddiga reer Brazil ee P. Coutinho, ciyaarta ayaa waxay sidaas ku noqotay 1-3 ay ku hoggaamineysay Barca.
Ugu dambeyntii ciyaarta ayaa ku dhammaatay 1-3 ay kaga soo adkaatay Barcelona kooxda Villarreal oo ay booqatay, iyadoo guushan ay gaartay Barca ay ka dhigeyso in kaalinta 7-aad kala sareynta horyaalka La Liga ay la fadhiso 23 dhibcood.
SAWIRRO:
