Dhoobleey(Idaacadda Sanguuni)-Maanta Gelinka hore ayaa waxaa la filayaa in Xildhibaannada Baarlamaanka dowlad Goboleedka Jubbaland ay dhageystaan khudbadaha musharixiinta Aqalka Sare ee degaan doorashadoodu tahay Jubbaland.
Musharixiinta khudbadahooda Maanta jeedin doona ayaa waxaa ay gaarayaan ilaa 8 Xubnood, kuwaas oo ku tartami doona Afarta Kursi ee Jubbaland uga harsan 8 kursi uu dowlad Goboleedka Jubbaland ku leeyahay Aqalka Sare.
Musharixiinta Aqalka Sare ee Maanta khudbadaha ka hor jeedin doono Baarlamaanka Jubbaland oo 5 kamid ah Dumar yihiin ayaa waxaa Magacyadooda ay kala yihiin.
1: Layla Nuux Maax
Xareedo Maxamed Sheekh
2:Tbrahim Awgaab Cismaan
Farxiya Macalim Cabdi
3: Maryan Faarax Kadiye
Samsam Maxamed Bishaar
4: Xasan Daahir Yarow
Cali Maxamed Cali
Maalinta Berito oo khamiis ah taariikhduna ku beegan tahay 21 Bisha Octoober ayaa waxaa la filayaa inay Magaalada Kismaayo ka dhacdo doorashada Afarta Kursi ee Aqalka sare uga harsan dowlad Goboleedka Jubbaland.
