(Dhoobley(Idaacadda Sanguuni). Kooxda kubadda cagta Real Madrid ayaa wali baadi goob ugu jirta weeraryahan dhexe oo ay afka hore kula lammaaniso Karim Benzema iyadoo haatan dareenkeeda usoo weecisay xiddiga ka xamaashada horyaalka Premier League.
Madrid ayaa haatan ka fikireysa soo qaadashada weeraryahanka Manchester United ee Edinson Cavani kaasoo xilli ciyaareedkan la kowsaday dhaawac inkastoo uu haatan garoommada kusoo laabtay.
Sida laga soo xigtay El Nacional, Los Blancos ayaa fahansan inuu Cavani doonayo ka tagista Old Trafford maadaama booskiisa uu awood kula wareegay Cristiano Ronaldo oo xagaagan ku laabtay Man United.
Si kastaba ha ahaatee, wargeyska kasoo baxa qaarad weynta Ameerika gaar ahaan Jamhuuriyadda Dominican ayaa sheegay inay Real Madrid si sahlan ku heli karto waayo-aragga reer Uruguay bisha January ee soo aaddan maadaama qandaraaskiisu dhici doono xagaaga soo aaddan.
