(Dhoobley(Idaacadda Sanguuni). Waxaa caawa la ciyaaray Kulammo ka tirsanaa heerka guruubyada tartanka UEFA Champions League, iyadoo kooxaha waa weyn qaarkood ay ciyaareen kulankooda labaad.
Kooxda Paris Saint-Germain ayaa garoonkeeda Parc des Princes guul muhiim ah kaga gaartay kooxda reer England ee Manchester City, kaddib markii ay kaga adkaatay 2-0.
Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Paris Saint-Germain.
Daqiiqadii 8-aad kooxda kubadda cagta ee Paris Saint-Germain ayaa hoggaanka u qabatay ciyaarta waxaana 1-0 ka dhigay Idrissa Gueye.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 74-aad kooxda Paris Saint-Germain ayaa dhalisay goolkeeda labaad ee ciyaarta waxaana 2-0 ka dhigay Lionel Messi oo caawin ka helay saaxiibkiis Kylian Mbappé.
Ugu dambeyntii ciyaarta ayaa ku dhammaatay 2-0 ay kaga adkaatay Paris Saint-Germain, kooxda Manchester City oo marti ugu aheyd garoonka Parc des Princes, xilli ciyaartan ay qeyb ka ahayd kulammada heerka guruubyada tartanka UEFA Champions League.
Hadaba halkaan hoose ka eeg guud ahaan kulammada labaad ee caawa lag ciyaaray marxaladda Guruubyada tartanka xiisaha badan ee UEFA Champions League,:-
Group A
Paris Saint-Germain 2-0 Manchester City.
RB Leipzig 1-2 Club Brugge.
Group B
AC Milan 1-2 Atletico Madrid.
FC Porto 1-5 Liverpool.
Group C
Ajax 2-0 Besiktas
Borussia Dortmund 1-0 Sporting CP.
Group D
Shakhtar Donetsk 0-0 Inter
Real Madrid 1-2 FC Sheriff
