Wariyda la isku halleyn karo ee Fabrizio Romano ayaa sheegay inuu wada-xaajood rasmi ah haatan u bilawday kooxaha ugu guulaha badan horyaallada Premier League iyo La Liga iyadoo dhinaca kalena Varane uu aad u xiiseynayo inuu wada-hadalku guul ku dhammaado si uu xagaagan ugu wareego Old Trafford.
Difaaca Faransiiska ah ayaa la sheegay inuu aqbalay ku biirista naadiga Red Devils, balse uu xushmeynayo qandaraaska uu Madrid kula jiro kaasoo dhici doona xagaaga dambe.
Si kastaba ha ahaatee, Man United iyo Los Blancos ayaa si aad ah uga doodaya qiimaha 28-sano jirkan lagu kala wareegsanayo maadaama lacagta ay Real Madrid dalbatay oo ah 50 milyan oo gini ay u muuqato mid ay kooxda Ingiriiska ka dhisan ka cago jiideyso.
