Liverpool oo ku dhow inay Manchester United ku garaacdo xiddig ka tirsan Juventus & qiimaha ay kula soo wareegeyso oo la ogaaday

Labadan naadi ayaa ku dagaallamaya saxiixa difaaca ay mulkiyaddiisu leedahay Juventus ee Cristian Romero, waxaana wararkii ugu dambeeyay ay sheegayaan inay Reds hoggaanka u heyso loollanka loogu jiro saxiixa difaacan dhexe.

Laacibka reer Argentina ayaa bandhig heer sare ah kusoo bandhigay kooxda Atalanta oo uu amaah ugu ciyaarayay xilli ciyaareedka 2020-21, waxaana qaab ciyaareedkiisa uu soo jiitay kooxaha ugu waaweyn Ingiriiska.

Wargeyska caanka ah ee  Calciomercato ayaa sheegay inay Liverpool u xiiseyneyso Romero sida ay Man United u xiiseyno si ka badan, sidaas darteedna, waxay dalabkeeda gaarsiineysaa 50 milyan oo gini.

Wararka qaar ayaa sheegaya inay Red Devils ku hungowday dalabkii ugu horreeyay ee ay 23-jirkan ka gudbisay, sidaas darteedna aysan xoogga sii saarin saxiixiisa.