(Dhoobleey(Idaacadda Sanguuni). Kooxaha Chelsea iyo Real Madrid ayaa caawa kulanka lugta labaad ee afar dhammaadka Champions League ku wada ciyaari doona Magaalada London ee caasimadda Ingiriiska.
Kulankii lugta hore ee Semi-final ee lagu ciyaaray Magaalada Madrid ayaa labada kooxood ee Chelsea iyo Real Madrid waxa ay ku kala baxeen barbaro 1-1 ah.
Ciyaartan ayaa kulminaysa xiddigo hore isu wajahay iyagoo kooxo kala duwan u ciyaaraya, kuwo hal koox u soo wada ciyaaray iyo kuwo wadaaga qolka labiska ee qarankooda.
Saaxiibada uu kulmin doono kulanka caawa ee Man City iyo PSG halkaan hoose ka eeg:-
• Tuchel ayaa labo jeer la ciyaaray Real Madrid isagoo watay Paris xilli ciyaareedkii hore heerka guruubyada; kooxdiisu waxay ku badisay 3-0 kulankii ka dhacay France, ka hor inta aysan labo gool dhalin tobankii daqiiqo ee ugu dambeeyay si ay barbaro 2-2 ah ugu galaan Spain kaddib labo gool oo uu dhaliyay Benzema.
• Eden Hazard waxa uu ahaa laacib ka tirsan kooxda Chelsea intii u dhaxeysay 2012-kii ilaa uu ku soo biiray Real Madrid sanadka 2019-kii, waxa uu u dhaliyay Blues 110 gool 352 kulan tartammada oo dhan, wuxuuna ka caawiyay kooxda inay ku guuleysato horyaallada Premier League fasal ciyaareedyadii 2014/15 iyo 2016/17, FA Cup ee 2017/18 iyo English League Cup xilli ciyaareedkii 2014/15, marka lagu daro guushoodii 2013 iyo 2019 ee UEFA Europa League, kulanka dambe ee final-ka ayuu labo gool ka dhaliyay guushii 4-1 ee ay ka gaareen Arsenal, waxa uuna ahaa kulankiisii ugu dambeeyay ee Chelsea.
• Thibaut Courtois ayaa 154 kulan u saftay Chelsea intii u dhaxeysay 2014 iyo 2018, markaasoo uu u dhaqaaqay Real Madrid, wuxuu sidoo kale qeyb ka ahaa xiddigihii ku guuleystay Premier League xilli ciyaareedyadii 2014/15 iyo 2016/17, sidoo kalena hantay FA Cup fasal ciyaareedkii 2017/18 iyo English League Cup xilli ciyaareedkii 2014/15.
• Mateo Kovačić waxa uu Chelsea kaga soo biiray Real Madrid sanadkii 2018-kii, wuxuuna u saxiixay kooxda reer Spain sanadkii 2015, isagoo ahaa bedel aan la isticmaalin guushoodii final-ka ee UEFA Champions League ee sanadihii 2017 iyo 2018, wuxuuna seegay safka kooxda kulanka maalintii ugu danbeysay ee ay ku guuleysanayeen 2016, waxa uu ciyaaray kulankoodii UEFA Super Cup 2016 ee Sevilla, wuxuuna fadhiyay kursiga keydka markii Manchester United lagu garaacay isla tartankan sanad kaddib, Kovačić wuxuu sidoo kale kamid ahaa xiddigihii Real Madrid kula guuleystay 2016 iyo 2017 FIFA Club World Cup iyo xilli ciyaareedkii 2016/17 Spanish Liga iyo Super Cup-ka.
• Wuxuu ku dhashay Magaalada Madrid, Marcos Alonso wuxuuna ku soo biiray kooxda sanadkii 1999-kii, isagoo ka mid noqday kuliyadda dhallinyarada, wuxuuna hal kulan ka soo muuqday horyaalka La Liga 2010 ka hor inta uusan xagaagaa ka tagin kooxda.
Xiddigaha ka soo ciyaaray dalka Spain ee ka tirsan Chelsea:-
Kepa (Athletic Club 2014–18, Ponferradina 2015 amaah, Valladolid 2015/16 amaah)
César Azpilicueta (Osasuna 2001–10)
Willy Caballero (Elche 2004–11, Málaga 2011–14)
Xiddigaha ka soo ciyaaray dalka England ee ka mid ah Real Madrid:-
Kaliya waa Luka Modrić oo kooxda Tottenham ka soo mid ahaa intii u dhexeysay 2008 illaa 2012.
Xiddigaha isku qaranka ah:-
Mateo Kovačić & Luka Modrić (Croatia)
N’Golo Kanté, Olivier Giroud, Kurt Zouma & Raphaël Varane (France)
Thiago Silva & Vinícius Júnior, Casemiro (Brazil)
Kepa & Dani Carvajal, Sergio Ramos (Spain)
Kai Havertz, Antonio Rüdiger, Timo Werner & Toni Kroos (Germany)
• Kanté, Giroud iyo Varane ayaa ku jiray safka koowaad kulankii xulkooda France uu 4-2 kaga adkaatay dhiggooda Croatia oo uu ka mid ahaa Luka Modrić final-kii Koobka Aduunka ee 2018, Kovačić ayaana kulankaas ahaa bedel aan la adeegsan.
