Rivaldo ayaa aaminsan in Messi uu baaqi kusii ahaan doono Barcelona isla markaana uu qandaraas cusub u saxiixi doono kooxda, si uu u sii joogo wixii ka dambeeya bisha June ee soo socota.
Wargeyska “AS” ee dalka Spain ayaa wuxuu shaaca ka qaaday wareysi uu bixuyay Rivaldo waxaana hadaladiisa ka mid ahaa:
“Waxaan u maleynayaa in Messi uu heshiis la gaari doono maamulka cusub si loo cusbooneysiiyo qandaraaska isla markaana uu baaqi kusii ahaan doono Barcelona sanadaha kale ee soo socda.”
“Waad arki kartaa kalsoonida ku jirta Messi tan iyo markii uu Joan Laporta ku guuleystay doorashada, waxaa ka dhaxeeya xiriir weyn, wax walba oo dhawaan ka dhacay kooxda waxay kordhinayaan fursada uu Lionel kusii joogayo kooxda.”
Dhinaca kale, Rivaldo ayaa meesha ka saaray fikrada uu Neymar Jr dib ugu laaban karo garoonka Camp Nou, wuxuuna yiri:
“Wax walba way ka dhici karaan kubadda cagta, laakiin Paris Saint-Germain waxay maalgalin weyn ku samaynaysaa sidii ay ugu guulaysan lahayd koobka Champions League.”
“Taasi waa sababta aan u arko in fursadaha Neymar uu ugu laaban karo Barcelona ay u adag tahay.”
