Taasi waxa ay ka dhigtay inuu ka sare maro Xavi Hernandez dhanka safashada kooxda Barca, kaddib markii lambarka 10-aad uu barbareeyay rikoorka ciyaaryahanka khadka dhexe kulankii Isniintii ay wajaheen Huesca.
Dhowr muuqaal ayaa lagu daabacay warbaahinta baraha bulshada ee dhinaca Internet-ka kaddib markii Messi uu barbareeyay rikoorka safashada, isagoo dhaliyay labo gool, isla markaana caawiyay hal gool oo kale kulankii Huesca.
Kulankii ay xalay wajaheen Real Sociedad oo ay ku soo xasuuqeen 1-6 ayaa ahaa kiisii 511-aad ee uu safto horyaalka, wuxuuna kabtan Leo raadinayaa inuu soo jaro afarta dhibcood ee a yka sarreyso Atletico Madrid si Barcelona ay gacanta ugu dhigto horyaalka LaLiga Santander.
Sidoo kale Barcelona waxa ay final-ka Copa del Rey ku wajahayaan Kooxda Athletic Club bisha soo aaddan ee April.
