Dhoobleey(Idaacadda Sanguuni)-Masaajida Ibnutaymiya iyo Abahureyra ee magaalada Columbus Ohio ayaa Hay’ada HARO Gudoonsiiyay Lacag dhan 47,000 oo dolar taas oo loogu talo gaay Abaaraha iyo Biyo la’aata Gobolka Gedo.
Culumadan ayaa dhaqaalaha ka qaaday dadka ku tukada masaajida oo ay u bandhigeen xaalada walaalahooda abaartu saamaysay.
Waxay sheegeen in dhaqaalahan ay horey usii bixisay Hay’ada HARO oo ay horey uga codsadeen bxinta lacagtan.
Imaamyada Masaajidan iyo howlwadeenada qaar ayaa dareenkooda ku miijiyay dhibaatada ay leedahay Abaarta iyo Biyo la’aanta iyaga oo ugu baaqay walaalaha Soomaaliyeed ee awooda in ay u naxariistaan kuwa Liita ee xaaladaha noloshu xanuujisay.
Qurba Joogta ayay kula dardaarmeen in ay xasuustaan Nimcada ay ku suganyihiin iyo mida walaalohood ku suganyihiin in ay tahay wax la isku eegayo naxariista dhexdeenaa.
Abaaraha ka jira qeybo ka mid ah Soomaaliya ayay culumadu sheegeen in ay alle uga baryayaan in uu Raxmadiisa ku Manaysto kana saaro xanuunka Oonka iyo Gaajada.
Roobabka ka curtay qeybo ka mid ah Gedo waa naxariis Alle waxayna alle uga baryeen in u uga dhigo mid caafimaad qaba kana saara dhibka.
Sanadwalba Soomaaliya waxaa laga soo sheegaa xaalado Abaaro iyo Biyo la’aan halka marmarka qaar wabiyadusameeyaan fatahaad aan lahayn Biyo xireen ama biyo Keydin.
