(hoobleey(Idaacadda Sanguuni). Kooxda kubadda cagta Manchester City ayaa saddexda dhibcood ka soo qaadatay kooxda Everton oo ay ku booqatay garoonka Goodison Park, kaddib markii ay kaga soo adkaatay 1-3, ciyaar qeyb ka aheyd kulamada horyaalka Premier League.
Qeybtii hore ee ciyaarta ayaa lagu kala nastay barbardhac 1-1 ah.
Daqiiqadii 32-aad kooxda Manchester City ayaa hoggaanka u qabatay ciyaarta kaddib markii uu 0-1 ka dhigay Phil Foden.
Balse daqiiqadii 37-aad Everton ayaa dhalisay goolka barbardhaca waxaana 1-1 ka dhigay xiddigooda reer Brazil ee Richarlison.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 63-aad markale kooxda Manchester City ayaa hoggaanka u qabatay dheesha kaddib markii uu 1-2 ka dhigay Riyad Mahrez oo caawin ka helay saaxiibkiis Bernardo Silva.
77 daqiiqo Bernardo Silva oo caawinta goolkan ka helay saaxiibkiis Gabriel Jesus ayaa hoggaanka u dheereeyay kooxdiisa Manchester City, wuxuuna dheesha ka dhigay 1-3.
Ugu dambeyntii ciyaarta ayaa ku dhamaatay 1-3 oo ay Manchester City kaga soo adkaatay kooxda Everton oo ay ku booqatay garoonka Goodison Park, City ayaa hadda ku hoggaamineysa kala sareynta horyaalka 10 dhibcood nadiif ah.
SAWIRRO:
