Manchester United ayaa lagu aadiyay kooxda Manchester City afar dhammaadka tartanka Carabao Cup, halka Tottenham Hotspur lagu beegay Brentford, oo ka ciyaarta heerka labaad.
Kulammada afar dhammaadka tartanka Carabao Cup waxaa la ciyaari doonaa bisha January, iyadoo kulanka Manchester Derby lagu ciyaari doono garoonka Old Trafford 4-ta bisha January, waana kulan bug bax ah.
Si kastaba ha noqotee kooxda uu hoggaamiye tababare Jose Mourinho ee Tottenham Hotspur ayaa kaga soo gudubtay wareega Siddeed dhammaadka Carabao Cup naadiga Stoke City, kaddib markii ay kaga soo adkaatay 1-3.
Halka asna kulankii Siddeed dhamaadka Carabao Cup ee u dhexeeyay kooxaha Everton iyo Manchester United ayaa ku soo idlaaday 0-2 ay ku adkaadeen wiilasha Ole Gunnar Solskjær, Red Devils ayaana sidaas ugu gudubtay Afar dhammaadka tartankan.
Isku aadka afar dhammaadka Carabao Cup oo dhammaystiran:-
Manchester United vs Manchester City.
Tottenham Hotspur vs Brentford.
