Qeybta hore ee ciyaarta ayaa lagu kala nastay 0-1 ay ku hoggaamineysay kooxda martida aheyd ee Aston Villa
Daqiiqadii 25-aad kooxda Aston Villa ayaa hoggaanka u qabatay ciyaarta kaddib markii uu gool iska dhaliyay Bukayo Saka ciyaarta ayaana sidaas ku noqotay 0-1.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 72-aad kooxda Aston Villa ayaa dhalisay gool labaad waxaxaana 0-2 ka dhigay Ollie Watkins, kaddib markii uu goolkan ka caawiyay saaxiibkiis Ross Barkley.
75 daqiiqo marka ay ciyaarta aheyd kooxda Aston Villa ayaa sii dheereysatay hoggaanka ciyaarta, kaddib markii uu 0-3 ka dhigay Ollie Watkins, waxaana goolkan ka caawiyay saaxiibkiis Jack Grealish.
Ugu dambeyntii ciyaarta ayaa ku soo idlaatay 0-3 ay kaga soo adkaatay Aston Villa kooxda Arsenal oo ay ku booqatay garoonka Emirates, xilli kulankan uu qeyb ka ahaa horyaalka Premier League.
SAWIRRO:
