(England) 19 Agoosto 2020. Halyeeyga kooxda Barcelona ee Xavi Hernandez ayaa aaminsan in naadiga Manchester City, ay u baahan tahay inay sameyso seddex heshiis.
Man City ayaa kala saxiixatay ilaa iyo haatan suuqa xagaaga xiddigii kooxda Bournemouth ee Nathan Aké iyo Ferran Torres oo ay ka soo qaadatay naadiga reer Spain ee Valencia.
Xavi Hernandez ayaa wareysi uu ku bixiyay “Daily Star” wuxuu ku sheegay:
“Ku guuleysi la’aanta tartamada Premier League ama Champions League, waxay niyad jab weyn ku tahay Pep Guardiola”.
“Waxa ugu badan ayaa ah Champions League sababtoo ah Manchester City waligeed kuma guuleysan, dabcan waxay heystaan ciyaartoy fiican, laakiin Pep wuxuu u baahan yahay taageero dhanka suuqa ah xagaagan”.
“Ma ahan inay u baahan yihiin ciyaartoy badan, kaliya waxay u baahan yihiin seddex ciyaartooy oo gaar ah”.
“Waan ognahay in tani aysan ku imaan doonin qiimo raqiis ah, laakiin waxaan jeclaan lahaa inaan arko Pep oo helaya lacag uu dib ugu dhiso kooxda”.
“Isku dayga inuu bedelo kooxda waxay ku kici doontaa lacag badan, Aguero hal xilli ayaa uga harsan, imisa weeraryahan oo Yurub ah ayaa damaanad qaadi doona 30 gool xilli ciyaareedkiiba sidii uu Sergio sameeyay muddo dheer? ”
Gool FM.
