Dhoobley(Idaacadda Sanguuni)-Tababaraha Manchester City, Pep Guardiola, ayaa xaqiijiyay in kooxdiisu ay waayi doonto saddex ciyaaryahan oo muhiim ah kulanka Premier League ee Axadda ay la yeelanayaan Manchester United.
Isagoo la hadlay saxaafadda Jimcihii ka hor ciyaarta, Guardiola waxa uu sheegay in Omar Marmoush, Rayan Aït-Nouri iyo Rayan Cherki aysan ka qayb qaadan doonin kulanka ka dhanka ah Red Devils.
Macallinka reer Spain ayaa sidoo kale shaki galiyay in difaaca John Stones uu diyaar u noqon doono ciyaarta ka dhacaysa garoonka Etihad ee ay la ciyaarayaan kooxda uu hogaamiyo Rúben Amorim.
Guardiola oo la hadlay Manchester Evening News ayaa yiri: “Omar [Marmoush] waxa uu dhaawac kala soo laabtay xulka Masar. Rayan Aït-Nouri iyo Rayan Cherki way maqan yihiin.
“John Stones shaki ayaa ku jira laakiin ma aha arrin weyn. Inta kale waa hagaagsan yihiin. Marmoush waxaan filayaa dhowr toddobaad inuu maqnaan doono, laakiin ka hor fasaxa caalamiga ah wuu soo noqon doonaa.
“Waxaan soo laabanay shalay, ciyaartoyduna way fiicanyihiin. Waxaan ogahay sida ay muhiim u tahay taageerayaasheena, waa kulan aad muhiim u ah. Waxaan kalsooni badan ku qabaa ciyaartoyda.
