Dhoobley(Idaacadda Sanguuni)-Kooxda reer Portugal ee Sporting CP ayaa si rasmi ah u shaacisay inay heshiis la gaartay Arsenal oo ku saabsan iibka weeraryahankooda Viktor Gyökeres, sida uu sheegay suxufiga caanka ah David Ornstein.
Heshiiska ayaa noqonaya mid qiimihiisu gaarayo:
💰 €63.5 milyan oo lacag go’an ah
➕ €10 milyan oo gunnooyin ah, taasoo wadarta ka dhigeysa ilaa €73.5M.
Warkan ayaa imaanaya iyadoo Gyökeres uu muddo ku riyoonayay ku biirista Arsenal, isagoo xitaa ka gadooday tababarka xagaaga ee Sporting, si uu ugu cadaadiyo iney fasaxaan.
Waxaa sidoo kale la xaqiijiyay in wakiilka Gyökeres, Hasan Cetinkaya, uu ka tanaasulay lacagtiisa wakiilnimo, si uu u fududeeyo dhaqso u hirgelinta heshiiska.
Gyökeres, oo ah 26-jir reer Sweden ah, ayaa Arsenal uga noqonaya No.9 muhiim ah xilli ciyaareedka cusub, waxaana lagu wadaa inuu saameyn weyn ku yeesho Premier League.
Heshiiska rasmiga ah waxa la filayaa in si degdeg ah loo dhammeystiro maalmaha soo socda.
