Dhoobley(Idaacadda Sanguuni)-Liverpool ayaa guul adag ka gaartay kooxda Lille, kadib markii ay ku badisay 2-1, ciyaar ka tirsaneyd wareegga toddobaad ee heerka koowaad ee tartanka Champions League.
Salah ayaa Liverpool ku hogaamiyay guul adag oo ay ka gaareen kooxda Lille
Ciyaarta oo lagu marti galiyay garoonka Anfield Road ayaa waxaa gool ku bilaabay xiddiga reer Masar ee Mohamed Salah daqiiqadii 34-aad.
Xiddiga reer Canada ee Jonathan David ayaa ku guuleystay in uu dhaliyay goolka bar-baraha ee Lille daqiiqadii 62aad, ka dib markii uu ka faa’ideystay qalad daafac.
Harvey Elliott ayaa daqiiqadii 67-aad ee ciyaarta goolka guusha u dhaliyay Liverpool,kadib kubad xoogan oo banaanka xerada ganaaxa ku dhacday,kadib markii ay kubadu ku dhacday lugta daafaca Lille.
Kadib guushii ay ka gaareen ciyaartii maanta, Liverpool Gaadhay 21 dhibcood ilaa haatan tartanka champions league iyaga oo wada badiyay dhamaan kulamadii ay ciyaareedka.
