Dhoobley(Idaacadda Sanguuni)-Tababaraha kooxda Liverpool ee Arne Slot ayaa sheegay in kooxdiisu ay u qalantay dhibcaha guushi ay 2-0 kaga badisay Brentford kulan ka tirsan horyaalka Premier League.
90-kii daqiiqo ee ay ciyaareen labada kooxood ayaa ku soo idlaatay barbaro 0-0, waxaana 90+1 iyo 90+3 uu ku guuleystay Darwin Nunez oo labo gool dhaliyay.
Slot oo arintaas ka hadlaya ayaa yidhi”Intii lagu guda jiray xilli ciyaareedka waxaad rajaynaysaa inaad hesho waqtiyo sidan oo kale ah waxaan awoodnay inaan gool soo daahay ka dhalino Manchester United, Nottingham Forest iyo Fulham, maantana waanu awoodnay inaan taas samayno. Waxaan ku guuleysanay inaan gool dhalino daqiiqadihii ugu dambeeyay”.
Waxa uu intaa ku daray: “Waxa aanu ku dhawaanay in aanu helin wixii aanu u qalminay”.
Waxa uu hadalkiisa raaciyay: “Kaliya ma eegayo natiijada, waxaan abuurnay fursado badan, aad ayaan ugu faraxsanahay qaab ciyaareedkii aan soo bandhignay”.
Liverpool ayaa haatan ku jirta kaalinta 1-aad ee kala saraynta horyaalka premier League waxana ay leeyihiin 50 dhibcood.
