Dhoobley(Idaacadda Sanguuni)-Brcelona oo Guul Xasuuq Leh Ka Gaartay Real Madrid Kuna Guuleysatay Spanish Super Cup 2025
HAMBALYO: Barcelona oo Guul Xasuuq Leh Ka Gaartay Real Madrid Kuna Guuleysatay Spanish Super Cup 2025
Barcelona ayaa ku guuleysatay Spanish Super Cup 2025 kadib markii guul xusuus leh oo 5-2 ah ay ka gaareen Real Madrid.
Kooxda Hansi Flick ayaa ka soo kabsatay gool ay ku hormartay Real Madrid, waxayna ciyaartu ka dhigeen 5-1 in ay hogaanka ku qabtaan ka hor inta Wojciech Szczęsny kaarka cas loo taagin, markaasoo Madrid ay ka dhigeen 5-2.
Si kastaba ha ahaatee, Los Blanco ayaa waxaa si raaxo leh ku garaacday kooxda ay xafiiltamaan ee Barcelona mar kale, iyagoo ka qaaday Spanish Super Cup 2025.
Barcelona ayaa si fiican ku bilaabatay ciyaarta, waxay ahayd in ay daqiiqadihii ugu horeeyay ee ciyaarta gool dhaliyaan balse Thibaut Courtois ayaa ka badbaadiyay Lamine Yamal iyo Raphinha fursad waaweyn, ka hor inta Kylian Mbappe ciyaarta ka dhigin 1-0 kaliya shan daqiiqo markii ay soctay.
Fursadaha Barcelona ayaa sii socday, iyagoo barbareyay ciyaarta 22 daqiiqo, waxaana u dhaliyay gool Yamal.
Da’yarka ayaa dib uyu soo celiyay taageerayaasha Real Madrid xusuusta Lionel Messi kadib markii uu si qurux badan ku gaaray shabaqada Courtois.
Barcelona ayaa dhaawac ku lumisay Inigo Martinez, waxaana lagu bedelay Ronald Araujo, laakiin 10 daqiiqo ka hor qeybta nasashada ayay hogaanka qabteen.
Gavi ayaa waxaa qalad ku galay Eduardo Camavinga, waxaana rigoore loo dhigay Barcelona si qabow u dhaliyay Robert Lewandowski.
Goolka seddexaad ayaa yimid daqiiqado ka dib markii Jules Kounde uu kubad cajiib ah ku helay xerada ganaaxa, wuxuu madax u saaray Raphinha iyadoo Barca ay hogaanka ku dheereysatay 3-1.
Barcelona ayaan halkaas ku ekaan qaybtii hore ee ciyaarta. Weerar rogaal celis ah oo deg deg ah ayaa waxaa qaaday Yamal iyo Raphinha iyadoo goolka afaraad uu ku dhaliyay Alejandro Balde.
Qeybtii labaad ayaa ka xamaasad badneyd qeybtii hore ee ciyaarta iyadoo fursado badan la abuuray.
Rodrygo ayaa kubad laad ah ku garaacay birta ka hor inta Raphinha uusan dhalin goolkiisii labaad ee ciyaarta oo uu kaga dhigay 5-1.
Hase ahaatee Real Madrid ayaa rajo soo laabasho heli kartay kadin markii Wojciech Szczęsny uu kaarka cas qaatay isagoo tuuray Mbappe meel ka baxsan xerada ganaaxa.
Go’aanka la qaatay kadib hubinta VAR ayaa noqday casaan in loo taago goolhayaha Barcelona.
Flick ayaa soo galiyay ciyaarta Inaki Pena laakiin waxa gool kusoo dhaweeyay Rodrygo oo kubbada laad xor ah shabaqa ku hubsaday.
Guud ahaan ciyaarta ayaa ku dhamaatay 5-2 oo ay ku badisay kooxda Barcelona oo ku guuleysatay Spanish Super Cup 2025.
