Dhoobley(Idaacadda Sanguuni)-Kooxda PSG ayaa u muuqata kuwo ka faa’iidaysanaya xaalada Mohamed Salah ee Liverpool.
Salah ayaa ku jira sanadkiisii ugu dambeeyay ee heshiiska Liverpool.
Heshiiska Salah ee Liverpool ayaa dhacaya dhamaadka xilli ciyaareedka kooxduna wax heshiis ah uma soo bandhigin.
Haatan kooxda PSG ayaa qaaday talaabo ay uga faa’iidaysanayso xaalada Mohamed Salah ee kooxda Liverpool.
Wargayska L’Equipe ayaa sheegaya in ay kooxda PSG ay wadahadalo la furtay Mohamed Salah si ay u hesho saxiixiisa.
Salah ayaa xor u ah in uu heshiis afka ah la gaadho kooxda uu doonayo marka la gaadho suuqa January si uu xor ugu biiro xagaaga dambe.
